Татарстан Республикасы Дәүләт техник күзәтчелек идарәсенең Чүпрәле муниципаль районы бүлеге үткәргән төп чаралар
Техник карау уздыруның расланган графигы нигезендә, Татарстан Республикасы Дәүләт техник күзәтчелек идарәсенең Чүпрәле муниципаль районы бүлеге агымдагы елның 3 июленнән 10 июленә кадәр үзйөрешле машиналарга һәм аларның тагылмаларына техник карау үткәрде:
3 июльдә – Кече Чынлы авыл җирлегендә – барлыгы 17 берәмлек техника карау өчен тәкъдим ителде, 1 техник карау акты рәсмиләштерелде;
6 июльдә «Павлов В.О.» КФХ хуҗалыгында 4 берәмлек техника тәкъдим ителде;
9 июльдә «Дрожжаное Рассвет Агро» ҖЧҖ 14 берәмлек ашлык җыю комбайны техник карау өчен тәкъдим ителде.
Техник тикшерү уздырылган вакытта машиналарның техник куркынычсызлык таләпләренә җавап бирүенә: тормозларның, руль системасының, яктырту җайланмаларының, хәрәкәт итү өлешенең, тавыш сигналының, тагылманың иминият ялганышлары төзек булуына, тагылмаларда саклагыч чылбырлар (трослар) булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде.
Шушы чорда 20 гражданинга тракторчы-машинист таныклыгы бирелде, алмаштырылды.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.