Татарстан Республикасы Дәүләт техник күзәтчелек идарәсенең Казан шәһәре бүлегенең көндәлек эше
2026 елның 29 гыйнварында үзйөрешле машиналарны техник карау буенча закон таләпләрен үтәү өлкәсендә административ хокук бозуларны кисәтү, чикләү һәм булдырмау буенча чара үткәрелде. Уздырылган чаралар барышында кар җыюда эшләүче 5 берәмлек үзйөрешле техника тикшерелде.
Әлеге чара нәтиҗәләре буенча үзйөрешле машиналарны эксплуатацияләү өлкәсендә 2 хокук бозу очрагы ачыкланды: законда билгеләнгән тәртиптә техник карау узмаган үзйөрешле машинаны эксплуатацияләү һәм законда билгеләнгән тәртиптә теркәлмәгән үзйөрешле машинаны эксплуатацияләү. Гаеплеләрне административ штраф рәвешендә административ җәзага тарту турында 2 карар чыгарылды.
Дәүләт хезмәтләре күрсәтү кысаларында Татарстан Республикасы Дәүләт техник күзәтчелек идарәсе бүлеге хезмәткәрләре тарафыннан төрле үзйөрешле техниканың 15 берәмлеге каралды.
Айдар Вәлиев – консультант – Татарстан Республикасы Дәүләт техник күзәтчелек идарәсенең Казан шәһәре бүлеге баш дәүләт инженер-инспекторы урынбасары.