Лаеш техник-икътисадый техникумында имтихан булды
2026 елның 29 гыйнварында «Лаеш техник-икътисад техникумы» ДАҺБУ базасында «А1», «С», «D» категорияләре тракторчы-машинист таныклыгы алу хокукына имтиханнар узды. Имтихан Татарстан Республикасы Дәүләт техник күзәтчелек идарәсенең Лаеш районы бүлеге башлыгы Р.А.Гәрәев һәм Балык Бистәсе районы буенча дәүләт техник күзәтчелек бүлеге башлыгы Л.К.Гыймаев составындагы комиссия тарафыннан кабул ителде. Махсус җиһазландырылган компьютер сыйныфында имтиханның теоретик өлеше үткәрелде. Практик өлеш трактородромда узды.
Имтихан тапшыруда барлыгы 17 укучы катнашты. Имтихан тапшыручыларның гомуми исәбендә 5 кеше төрле категория буенча сынауны тапшыра алмады. Имтиханнарны уңышлы тапшырган затлар якын арада тракторчы-машинист таныклыклары алачак. Сынауны тапшыра алмаучылар өчен кабат имтихан кимендә 7 көннән соң булачак.
Исегезгә төшерәбез, гражданнар тракторчы таныклыгын алу, алмаштыру өчен Дәүләт хезмәтләре порталы аша гариза бирә ала.
Радик Гәрәев – Татарстан Республикасы Дәүләт техник күзәтчелек идарәсенең Лаеш муниципаль районы бүлегенең баш дәүләт инженер-инспекторы.