Лениногорск политехник көллиятендә куркынычсызлык дәресе узды
Шушы көннәрдә Дәүләт техник күзәтчелек идарәсенең Лениногорск районы бүлеге башлыгы Илнур Галимов студентлар белән очрашты һәм куркынычсызлык мәсьәләләренә, техниканы эксплуатацияләү өлкәсендә гамәлдәге нормаларны һәм стандартларны үтәүгә багышланган эчтәлекле мәгълүмати әңгәмә уздырды.
Очрашуның төп максаты яшьләрнең дәүләт техник күзәтчелек хезмәте эшчәнлеге турында хәбәрдарлыгын арттыру, шулай ук техник чаралар белән дөрес һәм куркынычсыз эш итүнең мөһимлегенә басым ясау булды. Диалог барышында җиһазлар белән эшләүгә җаваплы мөнәсәбәт формалаштыру һәм куркынычсызлык таләпләрен төгәл үтәүгә аерым игътибар бирелде, бу булачак белгечләр өчен аерым әһәмияткә ия.
Мондый чаралар студентларда иминлек культурасын үстерү һәм билгеләнгән кагыйдәләрне һәм стандартларны үтәүнең тормышны һәм сәламәтлекне саклауда, шулай ук юлларда техника белән идарә иткәндә тәртипне тәэмин итүдә аерылгысыз шарт булуын аңлауга ярдәм итә.
Илнур Галимов – ТР Дәүләт техник күзәтчелек идарәсенең Лениногорск шәһәре һәм Лениногорск муниципаль районы бүлегенең баш дәүләт инженер-инспекторы.