ТР Әгерҗе муниципаль районында куркынычсызлык дәресе узды
Агымдагы елның 21 гыйнварында «Түбән Кама агросәнәгать көллияте» ДАҺБУ 2 нче филиалында Юл хәрәкәте иминлеге дәүләт инспекциясенең Әгерҗе районы бүлеге башлыгы Л.Ф.Шиһабетдинова һәм ЮХИДИ бүлегенең өлкән инспекторы Л.Ш. Йосыпова тарафыннан «Снегоход» темасына куркынычсызлык дәресе үткәрелде, анда 1 һәм 2 курс студентлары катнашты.
Татарстан Республикасы Дәүләт техник күзәтчелек идарәсенең Әгерҗе муниципаль районы бүлеге башлыгы К.В.Гыймазов укучыларны дәүләт техник күзәтчелек органнары эшчәнлеге, куркынычсызлык чаралары таләпләре һәм кар машинасын эксплуатацияләгәндә законнарны үтәү, шулай ук эксплуатацияләү кагыйдәләрен бозган өчен административ җаваплылык чаралары белән таныштырды. Татарстан Республикасында соңгы елларда кар машиналары катнашындагы һәлакәтләр статистикасы китерелде.
ЮХИДИ һәм ЮХИ ДБУ хезмәткәрләре курсантларны законнардагы үзгәрешләр, техникадан файдаланганда куркынычсызлыкны тәэмин итү чаралары белән таныштырдылар һәм гыйбрәтле фильм күрсәттеләр. Мондый чаралар яшьләрнең техниканы кулланганда куркынычсызлык һәм хокукый аспектлар турында хәбәрдарлыгын арттырырга ярдәм итә.
Камил Гыймазов – ТР Дәүләт техник күзәтчелек идарәсенең Әгерҗе шәһәре һәм Әгерҗе муниципаль районы бүлегенең баш дәүләт инженер-инспекторы.