ТР Балык Бистәсе районында кар машиналарыннан файдалану буенча куркынычсызлык дәресе узды
2026 елның 21 гыйнварында Татарстан Республикасы Дәүләт техникакүзәтчелек идарәсенең Балык Бистәсе муниципаль районы бүлеге инспекторы тарафыннан Балык Бистәсе агротехника техникумы укучылары өчен куркынычсызлык темасына дәрес үткәрелде. Дәрестә 2-3 курс укучылары катнашты. Әлеге дәрес барышында куркынычсыз йөрү һәм идарә нигезләре, транспортның техник торышы, юлга чыгар алдыннан нәрсәгә игътибар итәргә кирәклеге, хокук һәм җаваплылык – кагыйдәләрне бозган өчен нәрсә булачагы кебек төп мәсьәләләр каралды. Теоретик өлеш хокук бозуларның реаль мисалларын һәм аларның начар нәтиҗәләрен тикшерү белән ныгытылды, бу мәгълүматны максималь күрсәтмәле һәм истә калырлык итәргә мөмкинлек бирде.
Чараның төп максаты – бәхетсезлек очракларын кисәтү һәм яшүсмерләрдә мотор чаралары белән идарә итүгә җаваплы мөнәсәбәт формалаштыру.
Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы бүлегенең баш дәүләт инженер-инспекторы.