Баулы шәһәренең «Гарант» ИКК ҖЧҖендә һәм «ЦПК-Татнефть» өстәмә һөнәри белем бирү оешмасында имтиханнар узды
2025 елның 26 ноябрендә, «Гарант» ИКК ҖЧҖ, Татарстан Республикасы Дәүләт техник күзәтчелек идарәсенең Баулы шәһәре буенча дәүләт инженер-инспекторы Р.М. Мөхәммәтҗанов тарафыннан, Ютазы районы буенча дәүләт техника күзәтчелек бүлеге инженер-инспекторы Н.Н.Рәкыйпов катнашында, РФ Хөкүмәтенең «Үзйөрешле машиналар белән идарә итүгә рөхсәт бирү һәм тракторчы-машинист (тракторчы) таныклыклары бирү кагыйдәләрен раслау турында» 1999 елның 12 июлендәге 796 номерлы карары нигезендә, «AI,AII,AIII,C,D,E» категорияле үзйөрешле машиналар белән идарә итү хокукына имтиханнар кабул ителде.
Имтиханнарга «Гарант» ИКК ҖЧҖеннән 22 кеше һәм «ЦПК-Татнефть» өстәмә һөнәри белем бирү оешмасыннан 2 кеше гариза биргән иде, 13 кеше белемнәрен тикшерергә килмәде. Имтихан «Гостехнадзор Экзамен» автоматлаштырылган системасында кабул ителде. Һәр имтихан бирүчегә программа индивидуаль, вакытлы код бирелә һәм таймер эшли башлый. Бер кеше теоретик имтиханны яңадан тапшырды, 2 кеше машина йөртү күнекмәләре буенча кабат сынау бирде. Нәтиҗәләр буенча ике студент теоретик имтиханны тапшыра алмады, берсе машина йөртүне тапшыра алмады.
Имтиханнарны уңышлы тапшыручыларга имтихан урыны буннча дәүләт техник күзәтчелек органы тарафыннан тракторчы-машинист (тракторчы) таныклыгы биреләчәк. Барлык имтихан бирүчеләр белән үзйөрешле машиналарны имин эксплуатацияләү темасына әңгәмә үткәрелде, шулай ук тракторчы-машина йөртүче таныклыгын бирү һәм алмаштыру буенча хезмәтләрне «gosuslugi.ru» сайты аша алу мөмкинлеге турында да мәгълүмат җиткерелде.
Руслан Мөхәммәтҗанов – ТР Дәүләт техник күзәтчелек идарәсенең Баулы шәһәре һәм Баулы муниципаль районы бүлегенең баш дәүләт инженер-инспекторы.