«Азнакай урман хуҗалыгы» ДБУ техник карау уздырылды
Агымдагы елның 19 ноябрендә Азнакай муниципаль районының «Азнакай урман хуҗалыгы» ДБУда үзйөрешле машиналарга һәм аларның тагылмаларына техник карау уздырылды. Уздырылган техник карау барышында машиналарның техник куркынычсызлык таләпләренә җавап бирүенә: тормозларның, руль системасының, яктылык җайланмаларының, хәрәкәт итү өлешенең, тавыш сигналының төзек булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде.
Механизаторлар белән хезмәтне саклау һәм үзйөрешле техникадан файдаланганда куркынычсызлык техникасы мәсьәләләре буенча аңлату әңгәмәсе үткәрелде.
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.