Азнакай политехник техникумында кабат имтихан булды
Агымдагы елның 19 ноябрендә «Азнакай политехник техникумы» ДАҺБУ базасында «В», «С», «D», «E» категорияләрендәге тракторчы-машинист таныклыкларын алу хокукына кабат имтиханнар узды.
Уку йортының махсус җиһазландырылган трактородромында практик өлеш үткәрелде. Имтихан тапшыруда 8 укучы катнашты. Тапшыручыларның гомуми саныннан 2 укучы практик өлешне тапшыра алмады. Имтиханнарны уңышлы тапшырган кешеләр якын арада тракторчы-машинист таныклыгы алачаклар. Сынауны тапшыра алмаучылар өчен кабат имтихан кимендә 7 көннән соң булачак.
Имтихан тәмамлангач, киңәшмә барышында тракторчы-машинист таныклыгын алуда алга таба башкарылырга тиешле гамәлләр буенча мәсьәләләр каралды.
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.