Балтач муниципаль районында "ТАТЛИЗИНГ" ТР ДУП карамагындагы үзйөрешле техникага ел саен уздырылырга тиешле техник тикшерү үткәрелде
Татарстан Республикасы Дәүләт техник күзәтчелек идарәсенең Балтач муниципаль районы бүлеге "ТАТЛИЗИНГ" ТР ДУП карамагындагы үзйөрешле техникага ел саен үткәрелергә тиешле техник тикшерүне уздырды. Машиналарга техник тикшерү уздырган вакытта аерым игътибар машиналарның тышкы кыяфәтенә, техник торышына, теркәү документларына, тракторчы-машинист таныклыгына, дәүләт теркәү билгесенә, номер агрегатларының документларда күрсәтелгән белешмәләргә туры килүенә, шулай ук даруханә, ут сүндергечләр, авария тукталышы билгесенә юнәлтелде. Тикшерү нәтиҗәләре буенча тәкъдим ителгән техника техник тикшерү үткәрү кагыйдәләре таләпләренә туры килә иде.
Марат Габдрахманов – ТР Дәүләт техник күзәтчелек идарәсенең Балтач муниципаль районы бүлегенең баш дәүләт инженер-инспекторы.