Азнакай политехник техникумында кабат имтихан булды
Агымдагы елның 12 ноябрендә «Азнакай политехник техникумы» ДАҺБУ базасында «В», «С», «D», «E» категорияләрендәге тракторчы-машинист таныклыгын алу хокукына кабат квалификация имтиханы булды. Беренчел имтиханны тапшыра алмаган 11 дәгъвачының 7се барлык этапларны да уңышлы узды.
Имтихан бирүчеләрнең үзйөрешле машиналарны куркынычсыз эксплуатацияләү, машиналарны эксплуатацияләү һәм юл хәрәкәте кагыйдәләре буенча белемнәре тикшерелде. Имтихан бирүчеләрнең тиешле категориядәге техникада машина йөртү күнекмәләре тикшерелде. Теорияне тапшыру процессы «Гостехнадзор Экзамен» АСК куллану юлы белән гамәлгә ашырылды. Аннары махсус җиһазландырылган трактородромда имтихан тапшыручылар укыту барышында үзләштерелгән тиешле категориядәге үзйөрешле техника белән идарә итү күнекмәләрен күрсәттеләр. Имтихан тәмамланганнан соң, традицион рәвештә зур булмаган киңәшмә барышында тракторчы-машинист таныклыгын алуга бәйле алга таба эш итү мәсьәләләре каралды.
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.