Татарстан Республикасы Биектау муниципаль районының «Сафпласт» ҖЧҖендә ел саен үткәрелергә тиешле техник карау уздырылды
Агымдагы елның 31 октябрендә Татарстан Республикасы Дәүләт техник күзәтчелек идарәсенең Биектау муниципаль районы бүлеге «Сафпласт» ҖЧҖендә үзйөрешле техниканы техник яктан тикшерде. Техник карау өчен барлыгы 16 берәмлек техника тәкъдим ителде. Техник тикшерү уздырылган вакытта машиналарның техник куркынычсызлык таләпләренә җавап бирүенә: тормозларның, руль системасының, яктырту җайланмаларының, хәрәкәт итү өлешенең, тавыш сигналының, тагылманың иминият ялганышлары төзек булуына, тагылмаларда саклагыч чылбырлар (трослар) булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде. Үзйөрешле машина йөртүчеләр белән техникадан файдаланганда куркынычсызлык техникасын үтәү һәм юл йөрү кагыйдәләрен үтәү турында әңгәмә булды.
Уздырылган тикшерү нәтиҗәләре буенча техник карау узу турында таныклыклар биреләчәк.
Айрат Хаҗиәхмәтов – ТР Дәүләт техник күзәтчелек идарәсенең Биектау муниципаль районы бүлегенең баш дәүләт инженер-инспекторы.