Техниканы саклауга кую өчен әзерләү
Яңа Чишмә муниципаль районы авыл хуҗалыгы оешмаларында урып-җыю эшләре тәмамланып килә. Беркетелгән техникада эшләүче җитәкчеләр һәм инженер-техник белгечләр, механизаторлар өчен ашлык җыю комбайннарын һәм кыр эшләреннән азат ителә торган авыл хуҗалыгы техникасын киләсе елга әзерләү – кышкы саклауга кую мәсьәләләрен дә кулдан ычкындырмаска кирәк. Бигрәк тә уңайлы һава шартлары бу эшләрне яңгыр һәм пычракка караганда сыйфатлырак башкарырга мөмкинлек бирә.
Техниканы саклауга кую – эшләми торган чорда машинага зарарлы йогынты ясамаска мөмкинлек бирә торган оештыру һәм техник чаралар комплексы ул. Машиналарны саклау тәртибе һәм техник шартлары «Авыл хуҗалыгында кулланыла торган техника. Саклау кагыйдәләре» ГОСТ 7751-2009 белән билгеләнгән.
Әлеге эшләрне сыйфатлы башкару киләсе елда кыйммәтле чылбырлар, каешлар, подшипниклар, авторезиннар, резин-техник әйберләр сатып алуга шактый зур финанс чыгымнарын экономияләү юлы белән әлеге техниканың финанс иминлегенә бәйле.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.