Азнакай муниципаль районында куркынычсызлык дәресе узды
Юлсыз урыннардан йөри торган мототранспорт чаралары катнашында балаларның имгәнү очраклары ешаю сәбәпле, агымдагы елның 18 сентябрендә «Азнакай политехник техникумы» ДАҺБУ ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлеге башлыгы Ш.М. Гаскәров «Юлсыз урыннардан йөри торган мототранспорт чаралары белән куркынычсыз идарә итү» темасына «Куркынычсызлык дәресе»н үткәрде. Әлеге дәрестә 1 һәм 2 курс студентлары катнашты. Укучылар мототранспорт чаралары белән идарә итү хокукына таныклык алу таләпләре һәм тәртибе, каралган барлык саклык чараларының һәм саклану чараларының үтәлеше, шулай ук эксплуатация кагыйдәләрен бозган өчен янаган җәза чаралары белән таныштылар. Татарстан Республикасында соңгы елларда квадроцикллар һәм кар машиналары катнашындагы һәлакәтләр статистикасы китерелде. Студентлар актив рәвештә сораулар бирделәр. Мондый чаралар яшьләрнең куркынычсызлык һәм хокукый аспектлар турында хәбәрдарлыгын арттырырга ярдәм итә, бу, һичшиксез, техниканы куллануга җаваплы мөнәсәбәт формалаштыруда уңай адым булып тора.
Татарстан Республикасы Дәүләт техник күзәтчелек идарәсе үзйөрешле машиналарны эксплуатацияләгәндә юл хәрәкәте кагыйдәләрен үтәү зарурлыгы турында искә төшерә. Үзегезне һәм балаларыгызны саклагыз!
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.