Татарстан Республикасы Дәүләт техник күзәтчелек идарәсе күңел ачу хезмәтләрен сайлаганда уяулык турында искәртә!

2025 елның 30 июне, дүшәмбе

Татарстан Республикасы Үзйөрешле машиналар һәм башка төр техниканың техник торышына күзәтчелек идарәсе аттракционнарның актив сезонлы эше башлануы турында хәбәр итә. Татарстан Республикасы Дәүләт техник күзәтчелек идарәсе аттракционнарны имин эксплуатацияләү һәм балаларның имгәнүен булдырмау максатларында даими рәвештә зур профилактика һәм күзәтчелек эшләре алып бара. Аттракционнарга барганда үзегезнең һәм якыннарыгызның иминлеген кайгыртыгыз!

Исегездә тотыгыз, балаларыгызның иминлеге – иң мөһиме! Беркайчан да аларга теркәлмәгән аттракционнарда йөрергә рөхсәт итмәгез.

Хөрмәтле гражданнар, әгәр сезгә хокук бозулар турында билгеле булса, кичекмәстән Татарстан Республикасы Дәүләт техник күзәтчелек идарәсенә (843) 221-77-94 телефоны буенча мөрәҗәгать итегез яисә рәсми электрон адреска мәгълүмат җибәрегез: gostehnadzorrt@mail.ru

Сергей Грачев – Татарстан Республикасы Дәүләт техник күзәтчелек идарәсенең аттракционнарга күзәтчелек һәм махсус юл транспортына дәүләт контроле бүлеге җитәкчесе.