Ашлык җыю комбайннарына техник карау уздырылды
Татарстан Республикасы Дәүләт техник күзәтчелек идарәсенең Минзәлә шәһәре һәм Минзәлә муниципаль районы бүлеге сезонлы кыр эшләре алдыннан ашлык җыю комбайннарына техник тикшерү үткәрә башлады. «Калмурзино» ҖЧҖ хуҗалыгының 8 комбайнына ремонтлау һәм торгызу эшләре ел башыннан ук җылытыла торган махсус ангарда башланган. Расланган техник карау көненә алар барысы да урып-җыю эшләренә тулысынча әзер. Руль һәм тормоз механизмнарының, яктылык һәм сигнал җайланмаларының, ашлык массасының кабул итү һәм сукалау җайланмаларының эшли алуы тикшерелде. Барлык комбайннарның да теркәү документлары һәм имин эксплуатацияләү өчен кораллары бар, ә алар белән тиешле категориядәге тракторчы-машинист таныклыгы һәм зур эш стажы булган квалификацияле механизаторлар идарә итә. Эш стажына карамастан, механизаторлар һәр эш алдыннан инструктаж узалар һәм техник карау вакытында махсуслаштырылган техниканы имин эксплуатацияләү буенча әңгәмәләр уздырыла.
Ринат Гыйльманов – ТР Дәүләт техник күзәтчелек идарәсенең Минзәлә шәһәре һәм Минзәлә муниципаль районы бүлегенең баш дәүләт инженер-инспекторы.