Үзйөрешле техниканы ел саен техник тикшерүнең мөһимлеге
Үзйөрешле машиналарны ел саен техник карау законнарның формаль таләбе генә түгел, ә техника хуҗаларының да, әйләнә-тирәдәгеләрнең дә иминлеген тәэмин итү өчен кирәкле чара булып тора.
Ни өчен бу мөһим?
Даими техник карау двигатель, тормоз системасы, руль идарәсе һәм үзйөрешле машиналарның башка төп узеллары эшендәге җитешсезлекләрне вакытында ачыкларга мөмкинлек бирә. Бу бигрәк тә эксплуатацияләү процессында югары йөкләнешләргә дучар ителә торган авыл хуҗалыгы, төзелеш һәм юл техникасына кагыла.
Төп өстенлекләр:
- Эксплуатацияләү иминлеген арттыру – җитешсезлекләрне вакытында ачыклау авария хәлләрен булдырмый кала;
- Техниканың хезмәт итү вакытын озайту – даими диагностика вак-төяк җитешсезлекләрне җитди ватылуларга кадәр төзәтергә мөмкинлек бирә;
- Икътисадый файда – профилактик ремонт җитди ватылу нәтиҗәләрен бетерүгә караганда һәрвакыт арзанрак;
- Экологик нормаларга туры килү – зарарлы матдәләр чыгаруны тикшерү әйләнә-тирә мохитне саклауга ярдәм итә;
РФ Хөкүмәтенең "Үзйөрешле машиналар һәм башка төр техникага техник карау уздыру турында" 2013 елның 13 ноябрендәге 1013 номерлы карарына ярашлы рәвештә, ел саен техник карау үзйөрешле машиналар хуҗалары өчен мәҗбүри таләп булып тора.
Үзйөрешле машиналарның техник торышы турында кайгырту – һәр хуҗаның үз алдында һәм җәмгыять алдында җаваплылыгы.
Илнур Җәләлетдинов – Татарстан Республикасы Дәүләт техник күзәтчелек идарәсенең күзәтчелек һәм автоматлаштырылган нигездә исәпкә алу бүлеге башлыгы.