Озак сроклы акча җыю программасы

Озак сроклы акча җыю программасы – гражданинга киләчәккә куркынычсызлык мендәре булдырырга яки пенсиягә өстәмә акча алырга мөмкинлек бирә торган яңа туплау мөмкинлеге. Аның кайбер өстенлекләре һәм саклану механизмнары бар.

Дәүләт тарафыннан финанслашу – 10 ел дәвамында елына 36 мең сумга кадәр. Программага кертелгән барлык акчалар, аларны инвестицияләүдән кергән керемне дә кертеп, дәүләт тарафыннан 2,8 млн.сумлык дәрәҗәдә иминиятләштереләчәк. Гарантиянең максималь күләме программага күчерелгән пенсия тупланмалары һәм дәүләттән алынган акчалар суммасына өстәмә рәвештә арта.

Гражданинның барлык формалаштырылган акчалары (инде түләнгәннәреннән тыш) ул үлгән очракта мирас буенча шартнамәдә күрсәтелгән хокук варисларына тапшырыла. Әгәр варислар күрсәтелмәгән булса, РФ Гражданлык кодексы нигезендә мирас алуның гомуми кагыйдәсе буенча иң якын туганнарга бирелә.

 Программада катнашучылар аерым тормыш хәлләрендә тупланган акчаларның 100%  кадәр өлешен салым ташламаларын һәм уртак финанслауны югалтмыйча алырга мөмкин. Мәсәлән, кыйммәтле дәвалану һәм туендыручыны югалткан очракта түләү өчен.

Программа буенча алынган НПФ акчаларын дәүләт кыйммәтле кәгазьләренә (ОФЗ), корпоратив облигацияләргә, акцияләргә һәм башка финанс инструментларына салачаклар. НПФ үз клиентлары өчен инвестицияләрнең зыянсызлыгын тәэмин итәргә тиеш. Әгәр катнашучының счетында пенсия акчаларын инвестицияләүдән килгән зыян теркәлсә, фонд бу зыянны иминият резервы хисабына яисә үз акчалары хисабына капларга тиеш.