«Яңа Чишмә ТКХ КҖП» МУП техник тикшерү уздырылды
Агымдагы елның 20 июнендә «Яңа Чишмә ТКХ КҖП» предприятиесендә әлеге оешма файдалана торган тракторларга һәм үзйөрешле машиналарга еллык техник тикшерү уздырылды.
Барлыгы 6 бер. техника әзерлек рәтенә куелган иде. Профилактик әңгәмә уздырганнан соң һәм республика буенча булган юл-транспорт һәлакәтләре һәм бәхетсезлек очраклары турында аналитик мәгълүмат җиткергәннән соң, техник тикшерү үткәрелде, аның барышында машиналарның техник торышы, тышкы яктырткычлар, теркәү документлары һәм тиешле категорияле тракторчы-машинист таныклыкларының булуы тикшерелде.
Техник тикшерү нәтиҗәләре буенча барлык машиналар да техник тикшерү узу турында таныклык алачак.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.