Биектау муниципаль районының авыл җирлекләрендә физик затларда булган үзйөрешле техникага техник карау уздыру дәвам итә

2025 елның 18 июне, чәршәмбе

Бу елның 18 июнендә Биектау районының Дөбъяз авыл җирлегендә физик затларның үзйөрешле машиналарына техник карау уздырылды. Тикшерү барышында 32 берәмлек техника каралды.  Чара үткәргәндә техниканың техник торышына, тиешле категорияле тракторчы-машинист таныклыклары, дару кирәк-яраклары һәм янгын сүндергечләр, теркәү документлары булуга аерым игътибар бирелде.

Анда катнашучылар үзйөрешле техниканы теркәү таләпләре һәм кагыйдәләре, куркынычсызлык техникасын үтәү һәм юл хәрәкәте кагыйдәләре белән таныштылар.

Айрат Хаҗиәхмәтов – ТР Дәүләт техник күзәтчелек идарәсенең Биектау муниципаль районы бүлегенең баш дәүләт инженер-инспекторы.