Мамадыш муниципаль районында үзйөрешле техниканы техник яктан карау

2025 елның 23 мае, җомга

2025 елның 22 маенда Түбән Шүләңгер һәм Келәүш авыл җирлекләре физик затларының үзйөрешле техникасын техник карау узды.

Тикшерүгә 35 берәмлек техника күрсәтелде. Милекчеләргә тракторчы-машинист таныклыгын алмаштыру кагыйдәләре һәм тәртибе турында аңлатылды. Техник карап чыгу вакытында техниканың техник торышына, тиешле категорияле тракторчы-машинист таныклыклары, аптечкалар һәм ут сүндергечләр, теркәү документлары булу-булмавына аерым игътибар бирелде. Әлеге авыл җирлекләре башлыкларының техник тикшерүләрне оештыруда актив ярдәм итүләрен билгеләп үтәсе килә.

Алмаз Гыймазов – ТР Дәүләт техник күзәтчелек идарәсенең Мамадыш шәһәре һәм Мамадыш муниципаль районы бүлегенең баш дәүләт инженер-инспекторы.