Балык Бистәсе агротехника техникумында кабат имтихан узды
Бүген, 2026 елның 30 апрелендә, «Балык Бистәсе агротехника техникумы» ДАҺБУ базасында «А1», «В», «С», «Е», «D», «F» категорияләрендәге тракторчы-машинист таныклыгын алу хокукына моңарчы тапшырмаган кешеләр өчен кабат имтихан узды. Уку йортының махсус җиһазландырылган компьютер классында имтиханның теоретик өлеше үткәрелде. Практик өлеш «Трактородром»да үткәрелде. Имтихан тапшыруда барлыгы 21 укучы катнашты. Тапшыручыларның гомуми саныннан 4 се төрле категория буенча тапшыра алмады, 3 се практик биремне үти алмады.
Шулай ук имтихан алдыннан имин эксплуатацияләү, шулай ук юл хәрәкәте кагыйдәләрен тайпылышсыз үтәү буенча инструктаж да үткәрелде. Эксплуатацияләү һәм юл хәрәкәте кагыйдәләрен үтәмәү нәтиҗәләренә мисаллар китерелде.
Имтиханнарны уңышлы тапшырган затлар якын арада тракторчы-машинист таныклыклары алачак. Имтиханны тапшыра алмаганнар өчен кабат имтихан 7 көннән соң булачак. Исегезгә төшерәбез, гражданнар тракторчы-машинист таныклыгын алу һәм алмаштыру өчен Дәүләт хезмәтләре порталы аша гариза бирә ала.
Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы бүлегенең баш дәүләт инженер-инспекторы.