Татарстан Республикасы Мамадыш муниципаль районының Катмыш, Урманчы һәм Уразбахты авылларында үзйөрешле техниканы техник яктан карау

2026 елның 29 мае, җомга

2026 елның 28 маенда Катмыш, Урманчы һәм Уразбахта авыл җирлекләрендә физик затларның үзйөрешле техникасына техник карау узды. Тикшерүгә 97 берәмлек техника күрсәтелде. Милекчеләргә тракторчы-машинист таныклыгын алыштыру кагыйдәләре һәм тәртибе турында аңлатылды. Техник карап чыгу вакытында техниканың техник торышына, тиешле категорияле тракторчы-машинист таныклыклары, аптечкалар һәм ут сүндергечләр, теркәү документлары булу-булмавына аерым игътибар бирелде.

Бу торак пунктларда җирлек башлыгының техник карауны оештыруда актив эшләвен билгеләп үтәсе килә.

Алмаз Гыймазов – ТР Дәүләт техник күзәтчелек идарәсенең Мамадыш муниципаль районы бүлегенең баш дәүләт инженер-инспекторы.