Кама Тамагы районында терлек азыгы әзерләүгә әзерлекне тикшерү – 2025
14 майда Кама Тамагы муниципаль районында район хуҗалыкларының 2025 елга азык әзерләүгә әзерлеген тикшерделәр. Кабул итү Татарстан Республикасы Авыл хуҗалыгы һәм азык-төлек министрлыгы раслаган график нигезендә башкарылды. Составына «Татагролизинг» АҖ Сату һәм сатып алулар департаменты директоры А.Н.Салтыков, Татарстан Республикасы Авыл хуҗалыгы һәм азык-төлек министрлыгының АСК ИТТ бүлеге башлыгы урынбасары Р.Р.Идрисов, Татарстан Республикасы Авыл хуҗалыгы һәм азык-төлек министрлыгының нәсел эше һәм терлекләр үрчетү бүлеге әйдәүче белгече Р.Р.Заһидуллин, районның авыл хуҗалыгы идарәсе башлыгы И.И.Вәлиев, Татарстан Республикасы Дәүләт техник күзәтчелек идарәсенең район бүлеге башлыгы Хәмит Гайнуллин һәм башка белгечләр кергән комиссия азык җыю техникасын кабул итте, силос һәм сенаж чокырларын карады, хезмәт өчен түләү шартлары белән танышты. Тикшерү 2 урында оештырылган иде. Чара барышында комиссия механизаторларга намуслы хезмәтләре өчен рәхмәт белдерде һәм эш вакытында техника иминлеге һәм хезмәтне саклау таләпләрен төгәл һәм тайпылышсыз үтәү турында искәртте. Алынган урыннар: «Олы Кариле» ҖЧҖ - 1, «Август «Камское Устье» ҖЧҖ - 2.
Хәмит Гайнуллин – ТР Дәүләт техник күзәтчелек идарәсенең Кама Тамагы муниципаль районы буенча баш дәүләт инженер-инспекторы.