Буа муниципаль районында азык әзерләү техникасының 2025 ел сезонына әзерлеге буенча смотр-конкурс узды
Агымдагы елның 13 маенда, АСК хуҗалыклары арасында азык әзерләү техникасының әзерлеген тикшерү буенча республика конкурсын үткәрү кысаларында, Буа районында Татарстан Республикасы авыл хуҗалыгы һәм азык-төлек министры урынбасары Д.А. Яшин җитәкчелегендәге комиссия эшләде.
Конкурс комиссиясе составында АСК ИТТ бүлегенең әйдәүче белгече Шәрипов Р.Т. һәм умартачылык һәм аквакультура секторы мөдире Гатауллин Д.Х. катнашты. Татарстан Республикасы Авыл хуҗалыгы һәм азык-төлек министрлыгының район идарәсе ягыннан комиссия эшендә механизация буенча консультант Раимов А.В. һәм игенчелек буенча консультант Андреев В.Н., шулай ук Татарстан Республикасы Дәүләт техник күзәтчелек идарәсенең район бүлеге башлыгы Разбитнов Е.Г. катнашты.
Конкурс комиссиясе районның сигез алдынгы авыл хуҗалыгы предприятиесендә булды, азык җыю комбайннарын, үзйөрешле, тагылма чапкычларны һәм башка техниканы карады, булган эретмә төеннәренең торышы да тикшерелде. Комиссия әгъзалары шулай ук азык саклау урыннары торышын, сенаж-силос траншеяларын, МТП, техник хезмәт күрсәтү хезмәтләренең әзерлеген бәяләде. Хезмәтне саклауга, куркынычсызлык техникасы таләпләрен үтәүгә аерым игътибар бирелде.
Смотр нәтиҗәләре буенча Буа районы авыл хуҗалыгы предприятиеләренең азык әзерләү сезонына әзерлеге шактый югары бәяләнде. «Авангард» ҖЧҖ лидер булды (98 балл), аңа беренче урын бирелде, икенче урында – «Ямбулат» АХКК (96 балл), өченче урында – «Заря» ҖЧҖ Әлшәй бүлекчәсе (95 балл). Район буенча уртача әзерлек күрсәткече 93,4 балл тәшкил итте.
Евгений Разбитнов – бүлек башлыгы, ТР Дәүләт техник күзәтчелек идарәсенең Буа шәһәре һәм Буа муниципаль районы буенча баш дәүләт инженер-инспекторы.