Татарстан Республикасы муниципаль районнарында «Куркынычсызлык дәресе» үткәрелә
Соңгы вакытта мотор чаралары катнашындагы һәлакәтләрдә балаларның җәрәхәтләнүе һәм үлүе фонында мондый техниканы эксплуатацияләү кагыйдәләре һәм закон таләпләрен үтәмәү нәтиҗәләре турында даими мәгълүмат бирү зарурлыгы тора. Соңгы елларда квадроцикллар, багги һәм башка төр мототранспорт чаралары яшүсмерләр арасында бик популяр булып китте һәм юлларда аларның саны елдан-ел арта бара. Күпчелек очракта, транспорт руле артына утырганда, юл хәрәкәтендә катнашучы яшьләр үзләренең куркынычсызлыгы һәм тирә-юньдәгеләр өчен иң фаҗигале һәм кире кайтарылмаслык нәтиҗәләр турында уйламыйлар.
2025 елның 28-30 апрелендә, юл һәлакәтләрен профилактикалау һәм балигъ булмаганнарның мототранспорт чаралары белән идарә итүенә юл куймау максатларында, Әлки, Азнакай, Балтач, Зеленодольск, Чүпрәле, Алексеевск, Саба, Ютазы, Питрәч, Бөгелмә, Нурлат, Балык Бистәсе муниципаль районнары уку йортларында Татарстан Республикасы Дәүләт техник күзәтчелек идарәсе бүлекләре хезмәткәрләре, Дәүләт автоинспекциясе хезмәткәрләре белән берлектә, ата-аналар һәм 5-11 сыйныф укучылары катнашында квадроцикллар һәм багги темасына куркынычсызлык дәресе үткәрделәр.
Әңгәмә барышында квадроциклларны теркәү, аларда йөрергә өйрәнү һәм аларны куллану кагыйдәләрен бозган өчен җәза чаралары, шулай ук куркынычсызлык техникасын һәм мототранспорт чараларын куркынычсыз эксплуатацияләү кагыйдәләре буенча мәҗбүри таләпләрне үтәү мәсьәләләре каралды. Аннары катнашучыларга районнар буенча, аерым алганда, Татарстан Республикасы буенча соңгы елларда квадроцикллар катнашында булган хәлләр статистикасы китерелде, балалар машина йөрү юлында җибәрә торган төп хокук бозуларны ачыкладылар. Ата-аналар белән мотоциклларда, питбайкларда, квадроциклларда һәм баггида тиешле рөхсәтсез һәм саклагыч экипировкасыз хәрәкәт итүне туктату турында әңгәмә уздырылды. Шулай ук ата-аналарны балаларны тәрбияләү буенча бурычларны тиешенчә үтәмәгән өчен нәкъ менә аларның административ җаваплылыкка тартылачагы турында да искәрттеләр.
Чара азагында әлеге тематика буенча кызыксындырган сорауларга җентекле җаваплар бирелде һәм белешмәләр таратылды.