Татарстан Республикасының Актаныш муниципаль районында физик затлар техникасын техник тикшерү
2025 елда дәүләт техник күзәтчелек органнарында теркәлгән тракторларга, үзйөрешле машиналарга, тагылмаларга һәм башка төр машиналарга техник тикшерү графигы нигезендә Актаныш муниципаль районында шәхси хуҗаларның техникасына карата әлеге чара башланды.
23 һәм 24 апрель көннәрендә Такталачык һәм Киров авыл җирлекләрендә техник карау үткәрелде. Карау өчен 37 һәм 39 берәмлек трактор һәм тагылма тәкъдим ителде. Техник карап чыгу вакытында техниканың техник торышына, тиешле категорияле тракторчы-машинист таныклыклары, аптечкалар һәм ут сүндергечләр, теркәү документлары булу-булмавына аерым игътибар бирелде. Тагылма җайланмаларның төзеклегенә аерым игътибар бирелде.
Мәгълүмат, таләпләр һәм техник караулар барышы турында җирле телевидениедә 24 апрель тапшыруында яктыртылды.
Транспорт чаралары хуҗаларына Татарстан Республикасында тракторлар һәм үзйөрешле машиналар катнашындагы юл-транспорт һәлакәтләре турында мәгълүмат җиткерелде.
Техник карау узганнарга техник карау узу турында таныклыклар бирелде.
Илдус Хәкимов – ТР Дәүләт техник күзәтчелек идарәсенең Актаныш муниципаль районы бүлегенең баш дәүләт инженер-инспекторы.