«Бу Җиңү көне» темасына балалар рәсемнәре конкурсы
1941-1945 еллар Бөек Ватан сугышында Җиңүнең 80 еллыгын һәм 2025 елда игълан ителгән Ватанны саклаучылар елын бәйрәм итү алдыннан Татарстан Республикасы Дәүләт техник күзәтчелек идарәсендә (алга таба – Идарә) Идарә хезмәткәрләре арасында «Бу Җиңү көне» темасына балалар рәсемнәре конкурсы үткәрелде. Әлеге конкурсның максаты, мондый хәлләр бүтән беркайчан да кабатланмасын өчен, Бөек Ватан сугышы вакыйгалары турындагы хәтерне саклау булды.
Конкурста 6 яшьтән 11 яшькә кадәрге һәм 12 яшьтән 16 яшькә кадәрге балалар катнашты.
Жюри әгъзалары тарафыннан һәр яшь категориясендә җиңүче билгеләнде:
Шәрипов Данияр Шәүкәт улы – 6 яшьтән 11 яшькә кадәрге категориядә җиңде;
Сабирова Сөмбел Рафил кызы – 12 яшьтән 16 яшькә кадәрге категориядә җиңү яулады.
Конкурста җиңүчеләргә һәм катнашучыларга зур рәхмәтебезне белдерәбез!
Барыгызга да ныклы сәламәтлек, уңышлар һәм тыныч күк йөзе телибез!