Сарман муниципаль районының «Сарман аграр көллияте» дәүләт автоном һөнәри белем бирү учреждениесендә ел саен үткәрелергә тиешле техник карау узды
2025 елның 9 апрелендә, расланган график нигезендә, Сарман муниципаль районының «Сарман аграр көллияте» дәүләт автоном һөнәри белем бирү учреждениесендә ел саен үткәрелергә тиешле техник карау узды.
Ел саен уздырыла торган техник тикшерүгә 9 берәмлек техника тәкъдим ителде. Техник тикшерү барышында тикшерелә торган техниканың техник торышы, номерлы агрегатларның туры килүе, янгын сүндерү чаралары, беренче ярдәм күрсәтү чаралары, йөртүчеләрнең идарә итү хокукына таныклыклары булу-булмавы тикшерелде. Барлык тәкъдим ителгән техника төзек һәм техник тикшерү узу турында таныклык биреләчәк. Техниканы караганнан соң механизаторлар белән техниканы куркынычсыз эксплуатацияләү буенча әңгәмә булды, Татарстан Республикасы буенча әлеге төр техниканы эксплуатацияләгәндә юл-транспорт һәлакәтләре һәм бәхетсезлек очраклары турында мәгълүмат җиткерелде.
Рәшит Кирамов – Татарстан Республикасы Дәүләт техник күзәтчелек идарәсенең Мөслим муниципаль районы буенча бүлегенең баш дәүләт инженер-инспекторы.