«СпецТехника» уку үзәге» ҖЧҖ уку йортын тикшерү
Биектау муниципаль районында, «СпецТехника» уку үзәге» ҖЧҖ учреждениесе гаризасы буенча, АІІ категорияле мототранспорт чаралары йөртүчеләрен әзерләү хокукына җиһазларның һәм белем бирү процессының җиһазландырылу таләпләренә туры килү-килмәве тикшерелде. Тикшерүдә Татарстан Республикасы Дәүләт техник күзәтчелек идарәсе башлыгы урынбасары Рәдис Кадыйров һәм Татарстан Республикасы Дәүләт техник күзәтчелек идарәсенең Биектау муниципаль районы бүлеге башлыгы Айрат Хаҗиәхмәтов катнашты.
Үзйөрешле машиналар АІІ категориясе җиңел автомобильләрнең юлсыз урыннардан йөри торган аналогы булып тора. АІ категориясеннән аергыч билге булып автомобиль руленең булуы санала.
Тапшырылган документларны анализлау, матди базаны һәм уку процессын тәэмин итү чараларын тикшерү нигезендә «СпецТехника» уку үзәге» ҖЧҖ тикшерү барышында ачыкланган кисәтүләрне бетерү күрсәтмәсе бирелде, атап әйткәндә, РФ Хөкүмәтенең «Белем бирү эшчәнлеген гамәлгә ашыручы, тракторчылар, машинистлар һәм үзйөрешле машиналар йөртүчеләр әзерләү өчен җайланманың һәм белем бирү процессының таләпләргә туры килүе турында таныклык алуга дәгъва кылучы оешмаларда белем бирү процессының җиһазландырылганлыгына карата таләпләрне раслау хакында» 2022 елның 23 июнендәге 1129 номерлы карарына ярашлы рәвештә укыту үткәрелә торган үзйөрешле машина «Өйрәтү транспорт чарасы» танып белү билгесе белән җиһазландырылырга тиеш.