«Татспиртпром» АҖ филиалы Мамадыш спирт заводында техник карау уздырылды
Агымдагы елның 30 октябрендә «Татспиртпром» АҖ филиалы «Мамадыш спирт заводы» базасында үзйөрешле машиналарга техник карау үткәрелде. Техник тикшерүгә барлыгы 6 берәмлек үзйөрешле техника тәкъдим ителгән иде. Техник тикшерү барышында машиналарның техник куркынычсызлык таләпләренә җавап бирүенә: тормозларның, руль системасының, яктырту җайланмаларының, хәрәкәт итү өлешенең, тавыш сигналының төзек булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде. Шулай ук юл хәрәкәте иминлеге, куркынычсызлык техникасы һәм янгын куркынычсызлыгы буенча профилактик әңгәмә үткәрелде. Барча техника тиешле дәрәҗәдә әзерләнгән иде, барысы да техник карауны уңышлы узды.
Алмаз Гыймазов – ТР Дәүләт техник күзәтчелек идарәсенең Мамадыш муниципаль районы бүлегенең баш дәүләт инженер-инспекторы.