«Укыту үзәге 24» өстәмә белем бирүче хосусый уку йортында имтиханнар булып узды

2024 елның 17 октябре, пәнҗешәмбе

2024 елның 17 октябрендә «Укыту үзәге 24» өстәмә белем бирүче хосусый уку йортында «AI, AII, В, С, Д, Е» категорияле үзйөрешле техника белән идарә итү хокукына имтиханнар узды. Тракторчы-машинист таныклыгын алуга сынауга 15 курсант кертелде. Шулардан 11 кеше теоретик өлешне уңышлы тапшырды, практик өлешне «AI, AII, В, С, Д, Е» категорияле тракторчы-машинистка һөнәри укыту программасы буенча әзерлек узган 11 укучы яхшы тапшырды. Имтиханнарны уңышлы тапшырган кешеләр әлеге категориядәге тракторчы-машинист таныклыгын алачаклар.

   Тапшырмаган кешеләргә 7 көннән дә соңга калмыйча кабат имтихан оештырылачак.

   Марсель Шыяпов – ТР Алабуга шәһәре һәм Алабуга муниципаль районы дәүләт техник күзәтчелек бүлегенең баш дәүләт инженер-инспекторы.