Зеленодольск муниципаль районында ЮХИДИ белән уртак профилактик рейд
Эш графигы нигезендә, Зеленодольск муниципаль районында ЮХИДИ хезмәткәрләре белән чираттагы уртак профилактик рейд үткәрелде. Әлеге рейдның төп максаты – үзйөрешле техниканы эксплуатацияләгәндә хокук бозуларны кисәтү, шулай ук тракторлар һәм башка үзйөрешле машиналар катнашында бәхетсезлек очракларына юл куймау.
Дәүләт номеры, теркәлү турында таныклык, тиешле категорияле тракторчы-машинист таныклыгы, техник тикшерү узу турында таныклык һәм ОСАГО полисы булу мәсьәләләренә аерым игътибар бирелде.
Эксплуатацияләү чорында 6 берәмлек үзйөрешле машина тикшерелде. Хокук бозучылар административ җаваплылыкка тартылды.
Мансур Мөхәммәтҗанов – ТР Дәүләт техник күзәтчелек идарәсенең Зеленодольск шәһәре һәм Зеленодольск муниципаль районы бүлегенең баш дәүләт инженер-инспекторы.