Татарстан Республикасы Актаныш муниципаль районында урып-җыю эшләрен оештыру
Район игенчеләре урып-җыю эшләрен оештыру буенча һәр уңай һава шартларыннан файдаланырга тырышалар. Хуҗалыклар эреләнү сәбәпле, соңгы елларда ашлык җыю комбайннарын күчерү эше арткан. Белгечләргә габаритсыз техника буенча таләпләрне үтәү буенча куркынычсыз маршрутлар сайлауны оештыру, аларны озата бару шартлары буенча таләпләр даими җиткерелә. Шулай ук урып-җыю отрядларын күчмә янгынга каршы техника белән тәэмин итүгә дә зур игътибар бирелә.
5 августта Актаныш районы буенча дәүләт техник күзәтчелек бүлеге тарафыннан урып-җыю эшләрен башкарганда куркынычсызлык таләпләре үтәлешен тикшереп тору буенча рейд оештырылды. «Шайчурино» ЯАҖ һәм «Әнәк АФ» ҖЧҖ хуҗалыкларында 17 комбайн каралды. Техниканы эксплуатацияләүдә хокук бозулар булмады. Механизаторлар белән өстәмә профилактик әңгәмә үткәрелде.
Илдус Хәкимов – ТР Дәүләт техник күзәтчелек идарәсенең Актаныш муниципаль районы бүлегенең баш дәүләт инженер-инспекторы.