Кайбыч муниципаль районында урып-җыю эшләренә әзерлек конкурсы узды
2024 елның 11 июлендә Кайбыч муниципаль районында агросәнәгать комплексы оешмалары арасында 2024 елгы уңышны җыюга һәм туфракны төп эшкәртүгә әзерлек буенча конкурс узды.
ТР Авыл хуҗалыгы һәм азык-төлек министры урынбасары Д.А.Яшин, район башлыгы А.И.Рәхмәтуллин, район авыл хуҗалыгы һәм азык-төлек идарәсе, Россельхозцентр, дәүләт техник күзәтчелек бүлеге белгечләре, шулай ук хуҗалык җитәкчеләре һәм белгечләре катнашында комиссия районның авыл хуҗалыгы предприятиеләрендә булды.
Комбайнны эшкә техник яктан дөрес әзерләү – өзлексез эшләүнең нигезе, рациональ технологик көйләүләрне үтәү, агрегатның эш органнары режимының тотрыклылыгын һәм, нәтиҗәдә, комбайнның җитештерүчәнлеген арттыру һәм ашлык югалтуларын киметү гарантиясе.
Комиссия ашлык җыю комбайннарының әзерлеген тикшерде, урып-җыю эшләрен башкарганда хезмәтне саклау һәм куркынычсызлык техникасы мәсьәләләре өйрәнелде, урып-җыюның сыйфатына кагылышлы агротехник таләпләр һәм механизаторларга матди кызыксындыру шартлары турында җиткерелде.
Конкурс нәтиҗәләре буенча беренче урынны «Август-Кайбицы» ҖЧҖ алды, икенче урында – И.Р.Җәләлиев КФХ һәм «Туган як-Агро» ҖЧҖ, өченче урында – «Подберезье» АСК ҖЧҖ.
Михаил Серебряков – ТР Дәүләт техник күзәтчелек идарәсенең Кайбыч муниципаль районы бүлегенең баш дәүләт инженер-инспекторы.