Ютазы муниципаль районында ашлык җыю техникасын кабул итү
2024 елның 10 июлендә Ютазы районында ТР агросәнәгать комплексы оешмалары арасында 2024 елгы уңышны җыю һәм туфракны төп эшкәртү буенча әзерлек буенча конкурс узды.
Конкурс комиссиясе составына Авыл хуҗалыгы министрлыгының базар үсеше бүлеге башлыгы В.Г.Спичков, дәүләт техник күзәтчелек бүлеге башлыгы Н.Н.Рәкыйпов, авыл хуҗалыгы идарәсенең механизация буенча консультанты А.М.Мәхмүтов керде, алар Ютазы районы авыл хуҗалыгы предприятиеләрендә булдылар. Тикшерү вакытында ашлык җыю комбайннарының техник торышына, теркәү документларының, тиешле категориядәге таныклыкларның булуына, дару кирәк-яракларының, янгын сүндерү чараларының булуына аерым игътибар бирелде, шулай ук киләчәк уңышны кабул итәргә әзер булган ындыр табагын һәм авыл хуҗалыгы предприятиеләренең туфракны төп эшкәртү агрегатларын карадылар.
Тикшерү нәтиҗәләре буенча комиссия «АгроМир» ҖЧҖ, «Уңыш» ҖЧҖ, Тукай исемендәге ҖЧҖ хуҗалыкларында техниканың әзерлек дәрәҗәсен бәяләде.
Назыйм Рәкыйпов – ТР Дәүләт техник күзәтчелек идарәсенең Ютазы муниципаль районы бүлегенең баш дәүләт инженер-инспекторы.