2024 елда Апас районының Чирмешән авыл җирлегендә техник карау уздыру турында

2024 елның 11 июле, пәнҗешәмбе

Чирмешән авыл җирлегендә физик затларның үзйөрешле машиналарына техник карау үткәрелде. Тикшерүгә 18 берәмлек техника тәкъдим ителгән иде. Шуларның 14е – трактор һәм 4се – тагылма.

Тракторларның һәм арбаларның техник торышы, теркәү документлары, тракторчы-машинист таныклыклары булу-булмавы тикшерелде.   

Юл хәрәкәте иминлеге, куркынычсызлык техникасы һәм янгын куркынычсызлыгы буенча профилактик әңгәмә үткәрелде. Техник карап чыгуны уңышлы үткәннәргә техник карау узу турында таныклыклар биреләчәк.

Ирек Солтанбәков – ТР Дәүләт техник күзәтчелек идарәсенең Апас муниципаль районы буенча баш дәүләт инженер-инспекторы.