Кукмара шәһәренең «Чиста шәһәр» ҖЧҖ үзйөрешле машиналарга техник карау уздырылды

2024 елның 20 июне, пәнҗешәмбе

«Чиста шәһәр» ҖЧҖ ел саен үткәрелә торган техник карау гамәлгә ашырылды. Техник карауга 17 берәмлек техника китерелде. Үзйөрешле машиналарга техник тикшерү уздырган вакытта аларның тышкы кыяфәтенә, техник торышына, теркәү документлары булу-булмавына, тракторчы-машинист таныклыкларына, дәүләт теркәү билгесенә, машиналардагы номер агрегатларының документларда күрсәтелгән белешмәләргә туры килү-килмәвенә, шулай ук аптечка, янгын сүндергеч җайланма, аварияле тукталыш тамгасы булу-булмавына махсус игътибар бирелде. Тикшерү нәтиҗәләре буенча техник карау узу турында 17 таныклык бирелде.

    Алмаз Вәлиев – ТР Дәүләт техник күзәтчелек идарәсенең Кукмара муниципаль районы бүлегенең баш дәүләт инженер-инспекторы.