Балык Бистәсе муниципаль районында техника тикшерелде

2024 елның 4 июне, сишәмбе

ТР Балык Бистәсе муниципаль районында физик затларга караган үзйөрешле машиналар (тракторлар) һәм аларга тагылмаларны техник яктан карау буенча чаралар башланды. 2024 елның 3 июнендә әлеге чара  Юлсубино, Ямаш һәм Күки авылларында үткәрелде. Тикшерүгә барлыгы 53 берәмлек техника тәкъдим ителгән иде. Техник тикшерү үткәргәндә яктылык приборларының төзеклегенә һәм машиналарның куркынычсызлык таләпләренә туры килүенә аерым игътибар бирелде.

     Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы бүлегенең баш дәүләт инженер-инспекторы.