Татарстан Республикасы Аксубай муниципаль районында техник тикшерүләр
Татарстан Республикасы Аксубай муниципаль районы авыл җирлекләрендә, Дәүләт техник күзәтчелек идарәсенең расланган эш планы нигезендә, агымдагы елның 6-27 май көннәрендә физик затларга карый торган үзйөрешле техникага еллык техник караулар уздырылды. Сөнчәле, Саурыш, Кәкрекүл авыл җирлекләрендә техниканы тикшерүгә тәкъдим итү буенча активлык югары булды. Техник тикшерү нәтиҗәләре буенча анализ үткәреләчәк һәм профилактик чаралар планлаштырылачак. Уздырылган техник тикшерүләр нәтиҗәләре буенча тракторлар һәм тагылмалар хуҗаларына техник тикшерүләр узу турында таныклыклар бирелә. Кимчелекләре булган техникага аларны бетерү өчен сроклар һәм кабат тикшерү даталары билгеләнде.
Чаралар барышында тракторларны куркынычсыз эксплуатацияләү, үзйөрешле машиналарны һәм аларга тагылмаларны дәүләт теркәвенә алу һәм исәпкә кую, тракторчы-машинист таныклыкларын алмаштыру, билгеләнгән үрнәктәге медицина тикшерүен узу буенча, тракторчы-машинист таныклыгына квалификация булуы турында рөхсәт язуын кертү нигезенә бәйле сораулар бирелде.
Илдар Бикмөхәммәтов – ТР Дәүләт техник күзәтчелек идарәсенең Аксубай муниципаль районы бүлегенең баш дәүләт инженер-инспекторы.