Мамадыш муниципаль районында язгы кыр эшләрен үткәрүгә әзерлек буенча конкурс
9 апрельдә Мамадыш муниципаль районында хуҗалыкларның агросәнәгать комплексы оешмалары арасында 2024 елгы язгы кыр эшләрен уздыруга әзерлеге буенча игълан ителгән республика конкурсы кысаларында чара узды. Татарстан Республикасы Авыл хуҗалыгы һәм азык-төлек министрлыгының АСК ИТТ бүлеге башлыгы урынбасары В.С.Евстигнеев җитәкчелегендә, «Татагролизинг» акционерлык җәмгыятенең баш инженеры Р.М.Гыймадиев, Татарстан Республикасы Авыл хуҗалыгы һәм азык-төлек министрлыгының Мамадыш районындагы авыл хуҗалыгы идарәсе башлыгы И.Г.Гаптерәхимов, ТР Дәүләт техник күзәтчелек идарәсенең Мамадыш районы бүлеге башлыгы А.Н.Гыймазов һәм хуҗалыклар җитәкчеләре катнашындагы комиссия район хуҗалыкларында техниканы әзерләү, куркынычсызлык техникасы һәм үсемлекчелек буенча чараларны үтәү буенча күчмә тикшерү үткәрделәр. Комиссия эш барышында техниканың әзерлеген, запас өлешләр белән тәэмин ителешен, хезмәтне саклау һәм куркынычсызлык техникасының торышын, үсемлекчелек буенча чараларның үтәлешен бәяләде, эш планнарын тикшерде. Гомумән, район хуҗалыкларының яхшы әзерлеге билгеләп үтелде.
Алмаз Гыймазов – ТР Дәүләт техник күзәтчелек идарәсенең Мамадыш муниципаль районы бүлегенең баш дәүләт инженер-инспекторы.