ТР Зәй муниципаль районы хуҗалыкларында язгы кыр эшләрен үткәрүгә әзерлек буенча конкурс
2024 елның 2 апрелендә Зәй муниципаль районында, Татарстан Республикасы Авыл хуҗалыгы һәм азык-төлек министрлыгының 2024 елның 22 мартындагы 68/2-пр номерлы «2023 елның язгы кыр эшләрен үткәрүгә әзерлек буенча агросәнәгать комплексы оешмалары арасында конкурс үткәрү турында»гы боерыгына ярашлы рәвештә, Зәй шәһәре һәм Зәй муниципаль районы администрациясе башлыгы Р.Г.Кәримов, дәүләт техник күзәтчелек бүлеге башлыгы В.Г.Гончаров, ТР авыл хуҗалыгы һәм азык-төлек министрлыгы вәкилләре катнашында конкурс булып узды. Конкурс барышында тракторларның әзерлегенә, чәчүлек, бораулау агрегатларын, культиваторларны ремонтлау һәм көйләү сыйфатына, хезмәтне саклау һәм куркынычсызлык техникасы мәсьәләләренә аерым игътибар бирелә. Механизаторларны хезмәт хакы бәяләре белән таныштырып, язгы кыр эшләрендә мәшгуль эшчеләрне стимуллаштыру турындагы нигезләмәләрне җиткерделәр. Конкурс нәтиҗәләре буенча 1 урын – «Зәй шикәре» А/Ф ҖЧҖ һәм «Союз-Агро» ҖЧҖ Кузайкино РПК Гулкин авылы, 2 урын – «Восток» А/Ф ҖЧҖ һәм 3 урын «Зәй» А/Ф ҖЧҖ бирелде.
Валентин Гончаров – ТР Дәүләт техник күзәтчелек идарәсенең Зәй шәһәре һәм Зәй муниципаль районы буенча баш дәүләт инженер-инспекторы.