Актаныш муниципаль районында техник тикшерүләр уза

2024 елның 22 марты, җомга

Техник карау буенча план-график нигезендә, узган атнада «Башак» ҖЧҖ, «Чишмә а/ф» ҖЧҖ, «Нур Баян исемендәге» ҖЧҖ, «Шәйчурино» ЯАҖ авыл хуҗалыгы предприятиеләрендә үзйөрешле машиналарга һәм тагылмаларга техник караулар уздырылды. Техник тикшерүгә барлыгы 135 берәмлек техника тәкъдим ителгән иде. Техник карау узу турында 130 таныклык бирелде. Техник параметрлар таләпләренә туры килмәү сәбәпләре буенча 5 техник тикшерү акты төзелде. 22 мартта хуҗалык гаризасы буенча техник тикшерү «Наратлы» ҖЧҖдә оештырылачак.

     Илдус Хәкимов – ТР Дәүләт техник күзәтчелек идарәсенең Актаныш муниципаль районы бүлегенең баш дәүләт инженер-инспекторы.