Әтнә муниципаль районында гражданнарны кабул итү булды

2024 елның 19 гыйнвары, җомга

Татарстан Республикасы Дәүләт техник күзәтчелек идарәсе тарафыннан расланган күчмә кабул итүләр графигына ярашлы рәвештә, агымдагы елның 19 гыйнварында ТР Әтнә муниципаль районы буенча дәүләт техник күзәтчелек бүлегендә гражданнарны шәхсән кабул итү оештырылды, аны Татарстан Республикасы Дәүләт техник күзәтчелек идарәсе башлыгы урынбасары Рәдис Рафил улы Кадыйров үткәрде.    

Барлыгы 5 кеше кабул ителде. Кабул итү вакытында үзйөрешле машиналарны дәүләт теркәвенә алу һәм  исәпкә кую мәсьәләләре, шулай ук тракторчы-машинист таныклыкларын алу мәсьәләләре каралды.

Рафил Сабиров – ТР Дәүләт техник күзәтчелек идарәсенең Әтнә муниципаль районы бүлегенең баш дәүләт инженер-инспекторы.