Буаның җирле «ДОСААФ» оешмасында юлсыз урыннардан йөри торган мототранспорт чаралары белән идарә итү хокукына имтихан узды
Быелның 16 гыйнварында Буаның җирле «ДОСААФ» оешмасында оештырылган юлсыз урыннардан йөри торган мототранспорт чараларын йөртүчеләрне әзерләү курсларыннан соң, «AI» категориясендәге үзйөрешле машиналар белән идарә итү хокукына имтиханнар узды. Имтиханны тапшыруда исемлек буенча заявка биргән 5 кешенең 5се дә катнашты. Компьютерлар белән җиһазландырылган уку кабинетында имтиханның теоретик өлеше үткәрелде. Имтихан «Гостехнадзор Экзамен» аппарат-программа комплексы ярдәмендә үткәрелде. Имтихан тапшыруда катнашкан барлык укучылар да имтиханның теоретик өлешен уңышлы тапшырдылар. Аннары курсантлар имтиханның гамәли өлешенә кертелделәр, анда алар уку барышында үзләштерелгән мотовездеход белән идарә итү күнекмәләрен күрсәттеләр. Имтихан тәмамлангач, кечкенә генә киңәшмә барышында тракторчы-машинист таныклыгы алуга бәйле алга таба эш итү мәсьәләләре каралды, шулай ук «Юл хәрәкәте иминлеге турында» һәм «Үзйөрешле машиналар һәм техниканың башка төрләре турында» законнарга кертелгән төзәтмәләргә кагылышлы сорауларга җентекле җаваплар бирелде, алар буенча машина йөртү таныклыгында «А» ачык категорияле яки «B1» ярдәмче категориясе булган гражданнар (мотоцикл утыргычлы яки мотоцикл тибындагы рульле квадрицикллар һәм трицикллар), хәзер бернинди чикләүләрсез А1 категорияле «үзйөрешле машиналар» йөртә ала.
Евгений Разбитнов – ТР Дәүләт техник күзәтчелек идарәсенең Буа шәһәре һәм Буа муниципаль районы бүлегенең баш дәүләт инженер-инспекторы.
