Татарстан Республикасы Чүпрәле муниципаль районының «Фламинго» ҖЧҖдә техник карау уздырылды
2023 елның 6 декабрендә Татарстан Республикасы Дәүләт техник күзәтчелек идарәсенең Чүпрәле районы бүлеге тарафыннан «Фламинго» ҖЧҖдә техник тикшерү үткәрелде.
«Фламинго» ҖЧҖ Иске Чүпрәле авылын төзекләндерү белән шөгыльләнә һәм оешманың төп бурычларының берсе – торак пункт юлларын транспорт-эксплуатация күрсәткечләренә туры китереп тоту.
Кышкы чорда тракторларга бульдозерлы эттергечләр урнаштыралар, аларның техник торышы техник тикшерү вакытында тикшерелә.
Техник тикшерүгә 8 берәмлек техника, шул исәптән җиде берәмлек үзйөрешле машина тәкъдим ителгән иде. Техник карау барышында техник карау үткәргәндә күрсәтелә торган документларның булуы, машиналарның күрсәтелгән документлардагы мәгълүматларга туры килүе һәм машиналарның идентификациясе, техниканың техник торышы карап чыгылды.
Тышкы яктылык приборларының, руль идарәсе, тормоз системасының техник торышына, кызыл-сары (сары) төстәге ялтыравык маячкаларның төзеклегенә аерым игътибар бирелде.
Техник тикшерү нәтиҗәләре буенча анализ ясалды, автомобиль юлларына хезмәт күрсәткәндә техниканы куркынычсыз эксплуатацияләү мәсьәләләре каралды.
Җиде берәмлек техника техник карау узды, бер техник карау акты рәсмиләштерелде.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.