Кайбыч муниципаль районында техниканы кышкы саклауга кую буенча конкурс
Авыл хуҗалыгы җитештерүендә мәшгуль машиналарны рациональ һәм нәтиҗәле куллануны тәэмин итү, машиналарның куркынычсызлык параметрларын үтәү һәм тышкы факторлардан саклау, сезонлы куллану машиналарын озак вакытлы саклауга кую максатыннан, 2023 елның 15 ноябреннән Кайбыч районында техниканы кышкы саклауга кую һәм машина-трактор паркында техниканы ремонтлауга әзерләүгә иң яхшыларны билгеләү буенча конкурс үткәрелде.
Конкурста районның АСК оешмалары һәм предприятиеләре катнашты, аларның балансында комбайннар, ургычлар, чәчкечләр, сабаннар һәм башка тагылмалы һәм асмалы авыл хуҗалыгы техникасы кебек авыл хуҗалыгы машиналары бар.
Татарстан Республикасы Авыл хуҗалыгы һәм азык-төлек министрлыгының АСК ИТТ бүлегенең әйдәп баручы белгече Р.Р.Идрисов, авыл хуҗалыгы идарәсе башлыгы Р.М. Камалетдинов, механизация буенча консультант Р.С.Тимургалиев, дәүләт техник күзәтчелек бүлеге башлыгы М.Н.Серебряков составындагы комиссия техниканы кышкы саклауга куюның торышын, машина-трактор парклары территорияләрендәге тәртипне, оешмаларның авыл хуҗалыгы техникасын ремонтлауны үткәрүгә әзерлеген тикшерде һәм бәяләде.
Конкурс нәтиҗәләре буенча беренче урынны гомуми 64 балл җыеп, «Август-Кайбыч» ҖЧҖ яулады, икенче урында – гомуми 61 балл белән «Туган Як-Агро» агрофирмасы ҖЧҖ, өченче урында – гомуми 60 балл белән С.Х.Садриев исемендәге КФХ.
Михаил Серебряков – ТР Дәүләт техник күзәтчелек идарәсенең Кайбыч муниципаль районы бүлегенең баш дәүләт инженер-инспекторы.