Татарстан Республикасы Дәүләт техник күзәтчелек идарәсе каршындагы Иҗтимагый совет һәм конкурс комиссиясе утырышы
Бүген Татарстан Республикасы Дәүләт техник күзәтчелек идарәсендә Татарстан Республикасы Дәүләт техник күзәтчелек идарәсе каршындагы Иҗтимагый совет рәисе, Татарстан Республикасы Иҗтимагый палатасы әгъзасы, Россия Федерациясе Иҗтимагый палатасы әгъзасы Мөнир Гафиятуллин рәислегендә Иҗтимагый совет утырышы узды.
Утырыш барышында Татарстан Республикасы Үзйөрешле машиналар һәм башка төр техниканың техник торышына күзәтчелек идарәсенең 2024 елга Татарстан Республикасы территориясендә аттракционнарның техник торышы һәм эксплуатациясе өлкәсендә региональ дәүләт контроле (күзәтчелеге) буенча закон белән саклана торган кыйммәтләренә зыян китерү (зыян салу) куркынычларын профилактикалау программасы проекты һәм Татарстан Республикасының Үзйөрешле машиналар һәм башка төр техниканың техник торышына күзәтчелек идарәсенең 2024 елга махсус юл транспортын техник эксплуатацияләү кагыйдәләрен һәм махсус юл транспортыннан файдалану кагыйдәләрен үтәүгә федераль дәүләт контроле (күзәтчелеге) өлкәсендә закон белән саклана торган кыйммәтләренә зыян китерү (зыян салу) куркынычларын профилактикалау программасы каралды.
Шулай ук Татарстан Республикасы Дәүләт техник күзәтчелек идарәсе каршындагы Иҗтимагый совет вәкилләре Татарстан Республикасы Дәүләт техник күзәтчелек идарәсенең Кама Тамагы муниципаль районы бүлеге башлыгы вазыйфасы буенча Татарстан Республикасы дәүләт граждан хезмәтенең кадрлар резервына кертү буенча конкурс комиссиясе утырышында да катнаштылар.
Конкурста 2 кандидат катнашты, алар конкурс чараларын уздырганда лаеклы нәтиҗәләр күрсәттеләр.