Татарстан Республикасы Чүпрәле муниципаль районының «Цеолиты Поволжья» ААҖдә техник карау уздырылды
23 октябрьдә Татарстан Республикасы Дәүләт техник күзәтчелек идарәсенең Чүпрәле районы бүлеге тарафыннан «Цеолиты Поволжья»ААҖдә үзйөрешле машиналарга техник тикшерү үткәрелде. Техник тикшерүгә барлыгы 7 махсус техника берәмлеге тәкъдим ителгән иде, шул исәптән Татар Шатаршаны карьеры территориясендә 4 берәмлек һәм Иске Чүпрәле авылында урнашкан фасовкалау цехында 3 берәмлек техника каралды. Механизаторларның тиешле категорияле таныклыклары һәм беркетелгән махсус техникада эшләү өчен квалификацияләре бар. Техник тикшерү барышында машиналарның техник торышы, үзйөрешле машиналарны янгын сүндерүчеләр, дару кирәк-яраклары, кире чигенүгә каршы таянычлар белән комплектлау мәсьәләсе тикшерелде. Әлеге машиналар махсус шартларда файдаланыла. Техник тикшерүнең төп максаты – кешеләрнең тормышы һәм сәламәтлеге, милекнең сакланышы, әйләнә-тирә мохитне саклау өчен үзйөрешле машиналарны куркынычсыз эксплуатацияләүне тәэмин итү. Техник карау нәтиҗәләре буенча анализ үткәрелде һәм җаваплы вазыйфаи затлар һәм механизаторлар белән үзйөрешле машиналарны куркынычсыз эксплуатацияләү мәсьәләләре каралды. 6 берәмлек техника техник карау узды, бер берәмлеккә техник карау акты рәсмиләштерелде.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.