Буа муниципаль районында үзйөрешле техника белән идарә итү хокукына чираттагы квалификация имтиханнары узды...
Сентябрьнең соңгы ункөнлегендә Буа муниципаль районында үзйөрешле техника белән идарә итү хокукын алуга имтиханнар узды. Шуларның беренчесе пәнҗешәмбе көнне – 21 сентябрьдә “AI” категориясендәге мототранспорт чаралары йөртүчеләрне әзерләү буенча Буа муниципаль районының ТР ДОСААФ бүлеге базасында узды. Имтихан тапшыруда исемлек буенча 6 кешенең 6 сы катнашты. Имтиханда катнашучы барлык затлар да теоретик, аннары имтиханның гамәли өлешен уңышлы тапшырды.
Аннары, 28 сентябрьдә “Буа ветеринария техникумы” ДАҺБУ базасында квалификация имтиханы уздырылды. Монда В,С,D,E,F категорияле тракторчы-машинистларны әзерләү курсларында укыган исемлек буенча 18 кешенең 14 е катнашты. Имтиханда төп исемлектәге затлардан тыш 6 кеше катнашты, алар курсларны элек тәмамлап, имтиханны бирә алмаган яки кайбер сәбәпләр аркасында имтихан тапшыруда катнаша алмаган. Бер дәгъвачы медицина бәяләмәсенең гамәлдә булу вакыты үтүгә бәйле рәвештә имтихан тапшыруга кертелмәде. Имтиханда катнашучы барлык кешеләр арасыннан 15 кеше имтиханның барлык этапларын да уңышлы үтте.
Теоретик имтиханны ике очракта да тапшыру "Гостехнадзор Экзамен" аппарат-программа комплексын куллану юлы белән узды. “AI” категориясенә имтихан тапшыруның практик өлеше Буа районы “Татарстан Республикасы ДОСААФ” оешмасы каршындагы юл мототранспорт чараларын йөртү өчен махсус җиһазландырылган мәйданчыкта уздырылды, ә В,С,D,E,F категориясендә имтихан тапшыру “Буа ветеринария техникумы” ДАҺБУ махсус җиһазландырылган трактородромы мәйданчыгында оештырылды. Имтиханны уңышлы тапшыра алмаган катнашучылар, шулай ук нинди дә булса сәбәпләр аркасында имтиханда катнаша алмаган затлар өчен уку йорты кабат имтихан уздыруны оештыра, әмма ул 7 көннән дә иртәрәк булмаячак.
Евгений Разбитнов – ТР Дәүләт техник күзәтчелек идарәсенең Буа һәм Буа муниципаль районы бүлегенең баш дәүләт инженер-инспекторы.